चोटिल भइलन विजय वर्मा

भोजपुरी इंडस्ट्री में रोजे नया-नया नाम जुड़त बा। जहाँ कुछ लोग एकाध गो छोट-मोट रोल पाके फिल्मी पत्र-पत्रिकन के शोभा बनत बाड़े ओहिजा  दोसरा ओर कुछ अइसनो लोग बा जे सिनेमा भोजपुरी में बढ़िया काम कइला का बाद भी चर्चा से दूर रहेला अइसने एगो नाम बा विजय वर्मा के जे अबले छह गो हिट फिलिमन में काम कर चुकल बाड़े। विजय वर्मा पिछला दिने फिल्म "धड़केला तोहरे नावें करेजवा" के शूटिंग में एगो खतरनाक स्टंट सीन करत बहुते जख्मी हो गइलन काहे कि ऊ आपन स्टंट सीन खुदे करेले। आदि शक्ति इंटरटेनमेंट के बैनर तले और दिनेश यादव का निर्देशन में बनत ए फिल्म के एगो शॉट में घोड़ा से हवा में जम्प लगावत विजय वर्मा आपन बैलेंस बरकरार ना रख पवले और चोटिल हो गइले। ए से सगरी यूनिट में हड़कंप मच गइल फिल्म में एह फिल्म में विजय वर्मा के साथे रानी चटर्जी.बाड़ी। विजय वर्मा से जब पूछल गइल कि ए दुर्घटना के चर्चा मीडिया में ना आइल त विजय वर्मा बहुत मासूमियत से कहले कि उनका के अपना काम पर भरोसा बा.. विजय कहलन कि जब उनुका काम के दर्शक सरहीहें तबे उनुकर विजय नाम सार्थक होखी।

Fore more-
http://www.440bholt.com/
http://440bholtage.blogspot.in/
www.facebook.com/440bholtage