हर तरह के किरदार सहपूर्वक निभा लेवे वाला अभिनेता सी० पी० भट्ट के अगर शगुनिया कहल जाई टी उ गलत ना होइ कहे कि अभीले उ जेतना भी फिल्म में काम कइले बाड़े, सभे बॉक्स ऑफिस पर सफल रहल बा जइसे कि "कहाँ जइबा राजा नजरिया लड़ाई के", "भईया के साली ओढ़निया वाली", "साजन चले ससुराल", "रंगबाज़" आदि। ए साल उनकर अनेक फिल्म रिलीज होखे वाला बा, जवनन के सफल होखे के पूरा उम्मीद बा काहे कि फिल्म के तकनीकि पक्ष बहुते मजबूत बा।
सी॰पी॰भट्ट "ए॰एस॰सी॰ डिजिटल प्रा॰लि॰" के बैनर में शिवराम यादव निर्देशित फिल्म "कालिया" के एक सीन में दबंग औरत के किरदार करत नजर अइहें हालांकि ए फिल्म में उनकर हीरोइन चर्चित आईटम डांसर अलीशा बाड़ी जिनका साथे प्यार, रोमांस करत आ गीत गावत नज़र अइहें सीपी. एह फिल्म का हर सीन में सी०पी० भट्ट अलग-अलग रूप धइले बाड़े आ हद त तब हो गइल जब एगो सीन में ऊ कोठावाली दबंग बाईजी के रूप धइले।
सी॰पी॰भट्ट के आवे वाली फिलिमन में घात, प्यार हो जाला, धनिया के थाना, अँधा कानून, काली, यादव पान भंडार, मेहरारू जिंदाबाद, इ है मुंबई नगरिया तू देख बबुआ के अलावा दू गो हि्दीओ फिलिम बाड़ी स "वी लव मुंबई" आ "मुखौटा (द सोल)"।
No comments:
Post a Comment