हैदर काज़मी "द रियल रंगबाज़ ऑफ़ भोजपुरी सिनेमा" के खिताब से नवाजल गइले

भोजपुरीया अभिनेता "हैदर काज़मी" के अभी तक  फ़िल्म "रंगबाज़" के हिट होखे और नक्सली एरिया "जहानाबाद" में फ़िल्म "कालिया" के शूटिंग कर लेवे के बाद से ही मीडिया उनका के "रियल रंगबाज़" के खिताब दे देहले रहे लेकिन आर० के० एक्सलेंस अवार्ड २०१२ त "द रियल रंगबाज़ ऑफ़ भोजपुरी सिनेमा" के अवार्ड देके एह बात के मुहर लगा दीहलख की सही में "हैदर काज़मी" ही असली रंगबाज़ बाड़े. हाँ भाई 'भोजपुरी इण्डस्ट्री' में केहू हीरो के अईसन उपाधि नइखे मिलल. इ ‘हैदर काज़मी’ के बहुत बड़ उपलब्धि बा भोजपुरी सिनेमा के खातिर, जौन अब तक अछूता रहा बा.


भोजपुरी सिने जगत में सभी हीरो "सुपर स्टार" बा लोग लेकिन "हैदर काज़मी" कभी भी अपना आपके 'सुपर स्टार' नइखन मनले. उ भीड़ से अलग आपन पहचान बनावत भोजपुरी सिनेमा के उत्थान और दर्शक लोगन के स्वस्थ मनोरंजन करे के चाहत बाड़े