पवन सिंह पर जानलेवा हमला

भोजपुरी अभिनेता पवन सिंह पर जानलेवा हमला के इरादा से उनकर पूर्व सचिव दिलीप गांगुली फिल्मसिटी में उनका एक फिल्म के शूटिंग के दौरान कुछ गुंडा भेजले, लेकिन उ अपना नापाक इरादा में कामयाब न भइले। फिल्म के निर्माता आर.एस.दुबे और पवन सिंह इ मामला के शिकायत गोरेगांव के आरे पुलिस स्टेशन में करईले बाड़े। समाचार लिखे जाऐ तक पुलिस कानूनी  खानापूर्ति करत रहे। ज्ञात जानकारी के अनुसार ,पवन सिंह फिल्मसिटी में आर.एस.दुबे प्रोडक्शन व नाइसा क्रियेशन के बैनर तले बन रहल फिल्म गंगापुत्र के आखिरी दिन के शूटिंग करत रहले। दोपहर ढाई बजे अचानक कुछ लोग सेट पर अइले और गाली गलोच शुरू कर दिहले। यूनिट के लोगो के विरोध के वजह से उ लोग देख लेवे  के धमकी देवे के बाद उहाँ से चल गइले। पवन सिंह पर हमले के इरादे से गुंडा उनकर ही पूर्व सचिव दिलीप गांगुली भेजले रहले। गांगुली साल २००८ में पवन सिंह के सचिव रहले गांगुली के कहना बा की उनकर कुछ रूपया पवन सिंह पर बकाया बा। एह घटना से आहत फिल्म के कार्यकारी निर्माता आदित्य दुबे पवन सिंह के  लेके आरे पुलिस स्टेशन गईले और उहाँ दिलीप गांगुली के खिलाफ बुरा बर्ताव करे और हमला का इरादा से गुंडा भेजे के मामला दर्ज  करईले।